Besart Berisha shfaqet në faqen zyrtare të gjigantit spanjoll, Atletico Madrid, para duelit të skuadrës së tij Melbourne Victory ndaj skuadrës së Diego Simeones në Australi, njofton Insajderi.
Sulmuesi i mirënjohur kosovar, që luan me Melbourne Victory, ka pozuar bashkë me të mirënjohurin, Fernando Torres. Të dy janë takuar para miqësores së nesërme, duke promovuar takimin mes Atletico Madrid – Melbourne Victory.
Torres ka deklaruar se do të luajnë për fitore, derisa ka shtuar se “Melbourne është skuadër e fortë dhe këtë e tregoi edhe në miqësoren me Juventusin”.
Në anën tjetër, sulmuesi nga Prishtina ka thënë se Atletiko është një nga skuadrat më të fuqishme që ka parë sezonin e kaluar.
“Ata janë skuadra më e fortë fizikisht dhe është e vështirë të luash ndaj tyre, megjithatë edhe ne duam të fitojmë”, ka thënë ish-futbollisti i Hamburgut dhe Burnleyt.
Takimi i dy sulmuesve fillon nesër në orën 6 të mëngjesit me kohën tonë lokale. /Insajderi.com