Mungesat e shpeshta të specialistit të kirurgjisë maksilofaciale, Sami Salihu kanë bërë që Qendra Klinike Universitare e Kosovës (QKUK), ta largojë nga puna. Sipas QKUK-së, Salihu edhe më herët ishte dërguar në komisionin disiplinor për shkak të mungesave në punë.
“Zyra e drejtorit të përgjithshëm të SHSKUK, ju konfirmon se dr. Sami Salihut i është ndërprerë kontrata e punës nga komisioni disiplinor, meqë i njëjti më parë ishte paraqitur në komision disiplinor nga drejtori i Klinikës së Kirurgjisë Maksilofaciale sepse nuk ishte paraqitur në vendin e punës rregullisht për kohë të gjatë”, tha Zyra e Drejtorit të Shërbimit Spitalor Klinik Universitar të Kosovës për KALLXO.com.
KALLXO.com merr vesh se një numër i kolegëve të doktor Salihut janë shprehur kundër vendimit për largimin e tij nga puna por Zyra e Drejtorit të SHSKUK-së nuk e arsyeton veprimin e tyre.
“Zyra e drejtorit të përgjithshëm ju bën me dije se nuk do ketë tolerime dhe nuk mund të arsyetojë askush mungesën në vend punës. Është e çuditshme se si mund të arsyetohet kur ai nuk ka qenë në vendin e punës”
