Arrestohet djali i Van Damit për shkak se plagosi shokun e tij

12.09.2017 19:29
Arrestohet djali i Van Damit për shkak se plagosi shokun e tij

Djali më i ri i Jean Cloude Van Dam, është arrestuar për plagosje të shokut të tij në apartament dhe për posedim të drogës.

Ai u kap me një thikë dhe u pa se i kishte shkaktuar plagë shokut. Nikolas Van Varenberg 21 vjeç u arrestua të dielën në Tempe të Arizonës. Policia fillimisht kishte marrë një telefonatë për të kontrolluar apartamentin e tij, pasi dyshohet se i riu kishte grushtuar ashensorin, ka njoftuar TMZ.

Sherifët gjetën një gjurmë të gjakut në banesën e tij dhe pasi kanë biseduar me të dhe me një kushëri të tijin, zbuluan se ia kishte lënduar dorën shokut të tij të ngushtë. Forcat policore më tej kontrolluan banesën dhe kanë gjetur një thikë, si dhe drogë e tipit marijuanë.

Van Varenberg sapo u arrestua është treguar i rezervuar, duke mos thënë gjë për akuzat që i ngrihen, që janë sulm i rëndë me armë vdekjeprurëse, posedim i marijuanës dhe posedim i veglave të drogës.

21-vjeçari ka luajtur edhe në filma. Ai bëri një paraqitje të mirë në fillim të vitit 2017 në  filmin “Retaliation”, ku luajti edhe babai i tij. Nëna e tij është modelja dhe aktorja Darcy la Pier. Van Dame është martuar pesë herë me katër gra të ndryshme.