Policia njofton se gjatë ditës së djeshme janë raportuar dy raste me dhunën në familje, njëri rast ka ndodhur në Prishtinë ndërsa tjetri në Ferizaj.
Në rastin e parë në Prishtinë dy persona të dyshuar janë arrestuar, pas një mosmarrëveshjeje verbale, me ç’rast në mesin e tyre ka ndërhyrë bashkëshortja e njërit prej tyre.
Si pasojë e rrahjes ata kanë kërkuar tretman mjekësor dhe më pas, më urdhër të prokurorit janë dërguar në mbajtje.
Ndërsa në Komunën e Ferizajt është arrestuar person i dyshuar pasi që ka sulmuar fizikisht bashkëshorten dhe vajzën e tij të mitur.
Viktimat kanë pësuar lëndime trupore dhe kanë pranuar tretman mjekësor.
Ndërsa i dyshuari me urdhër të prokurorit është dërguar në mbajtje./Insajderi.com
