Apple ka hyrë në bisedime për të blerë Shazam softueri i të cilit identikon muzikën dhe këngën duke drejtuar telefonin drejt burimit të saj raportoi TechChrunch.
Aplikacioni i Shazam në iPhone është i integruar me asistentin dixhitale Siri të Apple. Përdoruesit e iPhone me Shazam të instaluar mund të pyesin Sirin “Hey Siri, what’s that song?” dhe aplikacioni menjëherë do e identifikojë.
Por Shazam ka veçori të tjera si identifikimi i shfaqjeve televizive diçka e pamundur me Sirin.
Sipas TechCrunch Apple është e gatshme të paguajë deri në 400 milion dollar dhe marrëveshja mund të arrihet javën e ardhshme.
Shazam, me zyra qendrore në Britani kishte ngritur në të kaluarën 143 milion dollar nga DN Capital, Institutional Venture Partners dhe Kleinder Perkins.
Çmimi që TechCrunch raporton është shumë larg vlerës prej 1 miliard dollar të Shazam raportuar së fundi nga PitchBook.
Me blerjen e Shazam, Apple do të përmirësonte shërbimin e muzikës Apple Music. Që nga mesi i 2017-ës Apple Music kishte 27 milion abonentë me pagesë, ose më pak se gjysmën e abonentëve që ka Spotify.
