Policia e Kosovës ka njoftuar se sot rreth orës 13:45 ka ndodhur një aksident trafiku me lëndime në rrugën magjistrale Gjilan – Prishtinë më saktësisht në fshatin Bresalc, Komuna e Gjilanit.
Nga hetimet e para mësohet se në aksident kanë qenë të përfshirë një autobusë dhe një veturë civile Golf II.
Sipas policisë një person në këtë aksident ka ndërruar jetë, si pasojë e lëndimeve të marra.
“Njësitet e trafikut kanë dal me urgjencë në vendin e ngjarjes, dhe ekipi i ndihmës së shpejtë po ashtu i janë përgjigj rastit por fatkeqësisht vetëm se kanë mundë për ta konfirmuar se vozitësi i veturës mashkull shqiptar shtetas i Kosovës rreth 30 vjeç, ka vdekur në vendngjarje, si pasoj e lëndimeve të pësuara në aksident, si dhe disa persona te tjerë janë te lënduar”, ”, thuhet në njoftimin e policisë.
Policia ka bërë të ditur se në vendin e ngjarjes janë të gjitha njësit relevante dhe janë duke i hetuar rrethanat e këtij aksidenti të rëndë.
