AGK dënon sulmin ndaj gazetarit Osmani

11.11.2017 16:27
AGK dënon sulmin ndaj gazetarit Osmani

Asociacioni i Gazetarëve të Kosovës e ka dënuar sulmin dhe kërcënimin që i është bërë sot gazetarit të BIRN-it, Taulant Osmani.

Kjo organizatë ka kërkuar nga institucionet relevante që hetojnë sa më shpjet këtë rast.

Osmani, është kërcënuar, fyer dhe tentuar të sulmohet nga disa persona, teksa po ndiqte protestën e shoqërisë civile në Gjilan kundër zhvendosjes së shtatores së Luftës Nacional- Çlirimtare “Ushtarët e Ramë”.

“Unë si gazetar për të paraqitur atë se qytetarët janë të ndarë sa i përket kësaj problematike, filloj të incizoj debatin mes tyre, dhe personi në fjalë reagon ashpër, më vërsulet me fjalet pse po xhiron. Ne atë moment kanë ndërhy edhe dy persona të tjerë të cilët më kanë shtyrë, sha e duke ma kapur telefonin”, tha Taulant Osmani për KALLXO.com.