Agjentit të futbollit, Mino Raiola, i është dashur vetëm disa javë gjatë kësaj verë që të fitojë më shumë para sesa fiton Ronaldo për një vit nga Real Madridi.
Ai ka fituar mbi 30 milion euro si përfaqësues i lojtarëve që ndryshuan klub gjatë kësaj vere. Raiola ka udhëhequr negociatat për lojtarët si Paul Pogba, Zlatan Ibrahimobic dhe Henrikh Mkhitaryan që u transferuan tek Manchester United, shkruan AS.
Sa për krahasim, Ronaldo paguhet rreth 21 milion euro në vit nga Reali i Madridit.
Manchester United pagoi 120 milion euro për Paul Pogba, duke thyer rekord të transferimit. Për shërbimet e tij në këtë proces, Raiola është paguar 20 milion euro./Insajderi.com