Agjentët e FBI-së zbarkojnë në Tiranë

08.11.2017 08:08
Agjentët e FBI-së zbarkojnë në Tiranë

Dy agjentë të Byrosë Federale të Hetimit (FBI), të specializuar për luftimin e krimit ndërkombëtar, do të punojnë në Tiranë për disa muaj në mbështetje të autoriteteve të sigurisë së Shqipërisë.

Ata janë prezantuar të martën gjatë promovimit të operacionit “Forca e ligjit”, nga ministri i Brendshëm i Shqipërisë, Fatmir Xhafaj.

Të pranishëm në ceremoni ishin edhe ministri i shtetit britanik për Evropë dhe Amerikë, Sir Alan Dunkan, ambasadori i SHBA-së në Tiranë, Donald Lu, dhe ambasadorja e BE-së, Romana Vlahutin.

Agjentët e FBI-së janë Mark Newhouse dhe Jack Liao. Agjenti Newhouse thuhet se ka përvojë të spikatur në drejtim të hetimit të krimit të organizuar dhe pastrimit të parave. Ndërsa Liao është drejtues i FBI-së për Evropën Juglindore. Dy agjentët e FBI-së së bashku me ekspertët nga Italia, Gjermania dhe Britania do të hetojnë krimin e organizuar në Shqipëri.