Afër 100 pasagjerë në anije, janë sëmurë në ditën e parë të udhëtimit

13.08.2017 14:54
Afër 100 pasagjerë në anije, janë sëmurë në ditën e parë të udhëtimit

Shëtitja 10-ditore me anijen që u nis nga Queensland i Australisë, nuk ka shkuar mirë për afro 100 udhëtarë, të cilët janë prekur nga një virus i panjohur.

Anija ka bërë ndalesë të emergjente në Brisbane, sepse gjendja pasagjerëve ishte jashtë kontrollit dhe nuk mund të ndalonin së vjelli dhe kishin barkqitje, shkruan Telegrafi.

Mësohet se ata janë jashtë rrezikut për jetë dhe nën kontrollin e duhur, ndërsa anija i është nënshtruar një pastrimi gjeneral.

Ende nuk dihet se çfarë e shkaktoi përhapjen e virusit, që besohet se e ka futur një nga pasagjerët.

Por, në këtë anije, kishte ndodhur një rast i njëjtë gjatë muajit mars, por me shumë më pak të prekur.