Protagonisti i ‘Dosjes së Shefave’, Adem Grabovci, nuk e ka harruar fjalën ‘shef’ edhe gjatë dëshmisë së tij në rastin kundër ish-ministrit të Transportit, Fatmir Limaj.
Grabovci asokohe ishte zv/ministër i Transportit.
Prokurori, duke e marrë në pyetje Grabovcin, e ka pyetur atë nëse i kujtohet që Limajt njerëzit i janë referuar si ‘shef’.
“Unë e kam thirrur ministër, për mua ka qenë ministër”, ka thënë Grabovci.
Por fjala ‘shef’ i ka asocuar atij edhe në vetvete. Ai ka vazhduar t’i përgjigjet prokurorit duke thënë se edhe vetë atë e thërrasin ‘shef’.
“Shumë njerëz me thirrin edhe mua ‘shef’”, ka shtuar Grabovci.
Më tej prokurori është interesuar të dijë më shumë rreth raporteve mes tij si zv/ministër dhe Limajt si ministër asokohe.
“Shumë normale”, është përgjigjur ai.
Grabovci po vazhdon të dëshmojë në rastin kundër ish-ministrit të Transportit, Fatmir Limaj, i cili tash është lideri i partisë Nisma për Kosovën.
Të pandehurit akuzohen për ‘krim të organizuar’, ‘keqpërdorim të pozitës zyrtare, keqpërdorim të autorizimeve ekonomike, marrje dhe dhënie të ryshfetit./Insajderi.com
