Në Prishtinë do të promovohet vepra kushtuar Adem Demaçit, për nder të ditëlindjes së tij të 80-të.
Në kuadër të aktiviteteve të shumta për nder të veprës së simbolit të rezistencës kombëtare shqiptare më 1 tetor do të përurohet një libër me titull “Adem Demaçi-Ura mbi të cilën kalon liria e Kosovës”, njofton KultPlus.
Organizatorë të përurimit të librit janë Fondi “Nderi i Kombit- Adem Demaçi” dhe Shoqata e të Burgosurve Politik.
Përurimi mbahet më 1 tetor në Institutin Albanologjik në Prishtinë në orën 12:00.
Ky vit është shpallur “Viti i Adem Demaçit” për nder të ditëlindjes së tij të 80-të./Insajderi.com
