Biznesmeni turk ofron 50 milionë euro kredi për stadiumin e Kosovës

17.03.2017 07:54
Biznesmeni turk ofron 50 milionë euro kredi për stadiumin e Kosovës

Drejtori i Kompanisë nga Turqia “Akay Construction INC, Ertan Olgun, ka thënë se janë të gatshëm të ofrojnë 50 milionë euro për stadiumin e Kosovës dhe se ky stadium do të jetë gati për 18 muaj.

“Stadiumi do të jetë ndër 9 stadiumet më të bukura në botë dhe paratë do të jepen me kamata të ulët, ndoshta edhe pa kamatë. Stadiumi do t’i ketë 25 mijë ulëse”, ka thënë ai.

Ndryshe dje delegacioni turk, që ka vizituar Kosovën dhe  ka takuar zyrtarë të institucioneve të vendit dhe të FFK-së, njofton RTKlive.

Ata janë takuar me sekretarin e përgjithshëm i FFK-së, Eroll Salihu, janë pritur nga kryetari i Kuvendit të Kosovës, Kadri Veseli. Kurse nuk janë pritur nga Ministri i Kulturës dhe Rinisë dhe Sporteve.

Delegacioni nga kompania turke, “Akay Construction INC”, përbëhet nga drejtori Ertan Olgun dhe zëvendësin e tij Murat Ozturk dhe nga miku i madh i FFK-së, Kenan Kurtesh./Insajderi.com