380 forca policie nga Tirana dhe Elbasani do të angazhohen për festimet e Ditës së Verës në qytetin e Elbasanit.
Prej kësaj të hëne policia e Elbasanit kalon në shërbim të përforcuar për zhvillimin sa më normal të aktiviteteve festive. Në ndihmë, krahas policëve nga Tirana do të jenë dhe Forcat e Ndërhyrjes së Shpejtë.
Policia rrugore do të kontrollojë të gjitha akset me qëllim për të bërë të mundur qarkullimin normal të mjeteve gjatë zhvillimit të aktiviteteve, shkruan Tch.
Lëviza apo parkimi i mjeteve nuk do të lejohet në këto akse rrugore:
- Në orën 11:00 të datës 13.03.2017 do të bllokohet lëvizja dhe qarkullimi i mjeteve nga “Kryqëzimi i Kristoforidhit” deri tek “1 Maji”
- Në orën 07:00 të datës 14.03.2017 deri në përfundim të aktivitetit të Karnavaleve do të bllokohet lëvizja nga Stadiumi deri tek 1 Maji
- Nga Stadiumi deri tek “Pallati i Sportit”, nuk do të lejohen parkimet apo qëndrimet e mjeteve.
Policia Rrugore krahas masave të marra për mbarëvajtjen e trafikut, do të ketë dhe një sërë masash për shtimin e kontrollit ndaj përdoruesve të rrugës, që drejtojnë automjetin në gjëndje të dehur, që tejkalojnë normat e shpejtësisë, që kryejnë parakalime të gabuara, etj
