Dhjetë të burgosur në Kosovë tentuan të vetvriten brenda një viti

06.03.2017 18:05
Dhjetë të burgosur në Kosovë tentuan të vetvriten brenda një viti

Dhjetë tentime të vetëvrasjeve janë raportuar gjatë vitit 2016, së paku deri më 7 nëntor të vitit të kaluar, sipas Qendrës Kosovare për Rehabilitimin e të Mbijetuarve të Torturës,

Kështu është njoftuar nga raporti i përvitshëm i Departamentit Amerikan të Shtetit mbi të Drejtat e Njeriut në Kosovë.

“KRCT-ja vuri në dukje që shërbimet psikosociale në Burgun e Dubravës dhe Burgun e Sigurisë së Lartë janë të pamjaftueshme dhe të papërshtatshme për nevojat e të burgosurve, përkundër disa përmirësimeve në Bugun e Sigurisë së Lartë. Nuk ka pasur pajisje legale apo instruksione administrative për trajtimin e të burgosurve me çrregullime. Më 7 nëntor, KRCT raportoi 10 tentime vetëvrasjesh. Avokuesit cituan që transferimet e shpeshta dhe trajtimi i ashpër kanë qenë faktorë kontribuues”, thuhet në raportin e Departamentit të Shtetit.

Në raportin e Byrosë, për Demokraci, të Drejtat e Njeriut dhe Punës, rasti i Astrit Deharit, aktivistit të Vetëvendosjes të cilët nuk e pranojnë versionin përfundimtar të hetimeve për Deharin, thuhet pa asnjë dyshim se ai është vetëvrarë.

“Me 5 nëntor, një aktivist i partisë Vetëvendosje, Astrit Dehari, kreu vetëvrasje në Qendrën e Paraburgimit në Prizren”, thuhet në raportin e Departamentit të Shtetit.

Vetëvrasjes së Deharit, i është kushtuar goxha shumë vëmendje në pjesën “Kushtet në Burgje dhe Qendrat e Paraburgimi në Kosovë”, teksa shpjegohet se ai ka qenë duke u mbajtur nën dyshimet për terrorizmin, saktësisht sulmin me granatë në objektin e Kuvendit të Kosovës të ndodhur me 5 gusht.