Kuvendi i Kosovës po mbanë interpelancë me kryeministrin e Kosovës Ramush Haradinaj rreth mungesës së energjisë elektrike e thirrur nga Lëvizja Vetëvendosje.
Propozuesi i interpelancës, shefi i grupit parlamentar të Vetëvendosjes, Glauk Konjufca, tha se vjedhjet e energjisë elektrike dhe mos pagesa nuk kanë asnjë përmirësim, përkundrazi raportimet e ZRRE-së për raporte në favor të periudhës kur kompania ishte në pronësi publike.
Ai tha se Kosova nga viti 2011, ka harxhuar miliona euro në importimin e energjisë elektrike, ani pse ka mundur të prodhojë energji me çmim të ulët duke marrë parasysh resurset që ka.
Konjufca tha se vendimi i Qeverisë Haradinaj për t’ua kompensuar të gjitha ndërtimet në zonën e mbrojtur ekonomike në Shipitullë ka qenë i gabuar, pasi janë bërë ndërtime abuzive duke e ditur saktë se një ditë do të shpronësoheshin ato.
Kryeministri i Kosovës, Ramush Haradinaj, tha se të dhënat e prezantuara nga Konjufca janë komplet të gabuara dhe këtë e bëri qëllimshëm, pasi e dinë të vërtetën.
Haradinaj tregojë për masat që ka marrë pasi është bërë kryeministër.
Kreu i Qeverisë theksoi se i kanë mbikëqyrur ndaljet e energjisë elektrike, por ua kanë shpjeguar se disa janë për shkak të ndërtimit të rrjetit, disa për shkak të mbingarkesës.
Haradinaj shtoi se me investimin e ri, Kosova mund të kalojë në tregë dhe të kthehet në një fuqi elektrike.
